توصيات مستشفى 57357:

 

قصه نولع فحمه ونطفيها بحتة زبده او سمنه او زيت فوسط الاكل عشان تدي طعم وريحه المشوى عالفحم كاااااارثه ومصيبه مستشفي ٥٧٣٥٧ للاطفال محذره منه في اخر توصيات ليها لانك ببساطه بتشبعي الاكل بكل الغازات الضاره والكربون اللي طالع من الفحمه بناقص خااااالص الحركه دي بالله عليكم بتعمل عفاكم الله كانسر دم ومعده!

١- البيض البريشت او اللي صفاره سايح او بيض العيون …..لازم نتاكد من انه مطهي ١٠٠٪

٢- البروتين والكرياتين وكل عك الفرد ….ومحدش يقولك زيرو فورمالين اومال بيفرد بدعا الوالدين يعني

٣- عصير القصب ولسبب مقنع جدااااا تخزينه فمحلات ومخازن عالارض والفيران والحشرات بقه ومفيش معصره بتغسله قبل ما تعصره ….بتحبيه اه ومفيد جدااا هاتيه سليم واغسليه وقطعيه فالبيت وقشريه ومصمصي بقي

٤- الميكياج ومستحضرات التجميل الرخيصه واللي بتجيب نتايج مزهله من اول استخدام زى المبيضات اللي مليانه كورتيزون ومواد مبيضه كارثه بتعمل سرطان جلد .

٥- الحلل مجهوله الهويه افضل الانواع فعلا واللي مبتتفاعلش مع لاكل البيركس الزجاج والفخار ويليها التيفال المعروف مش الانواع المجهوله واللي توحفه اوووى بس غاليه مووووت ((زيتر)) وحلل الضغط كارثه ممنوعه

٦- الجبنه الرومي لان ملهاش مكونات وتعتبر مجهوله المصدر وبدون تواريخ صلاحيه للمستهلك يعني ممكن صلاحيتها تنتهي وبرده يبعوها الا من رحم ربي

٧- الزيوت طبعا ده قصه لواحدها ملخصها تشترى زيت نضيف وتستعمليه صح…ازاي بقه ؟؟ هقولك الزيوت بتاعت القلي استعمليها كذا مره عادى بس تتخزن صح ….تسيبي الزيت يهدى خالص تصفيه وتعنيه فبرطمان ازاز عالرف متسبيهوش فنفس حلته وتغسلي الحله وتعينيها… معظمنا واولكم كنت انا بعينه فالفرن زى ماهو وده غلط للبيكتريا بتتكاثر فيه

٨- الحلويات والعصاير والشبسيات والفاست فوود وكل الحاجات بتاعت مكسبات اللون والطعم دول ممنوع

٩- السكاكين ايوه متستغربيش لازم سكينه للفراخ بس وسكينه للحمه بس وسكينه للخضار وسكينه للعيش وكمان الكت بورد برده لان في بكتريا بتتكون فيهم مبترحش بالميه والصابون لازم تتغلي بميه سخنه واكيد مفيش حد فينا هيعقم سكاكينه بعد كل استخدام فالاسهل افصليهم

١٠- طريقه غسيل الخضار مهما غسلتيه بالمه برده هيفضل مش نظيف باللذات الورقيان زى الجرجير والفجل والخس لازم يتنقع ١٠ دقايق فميه بخل وبعدها اشطفيه ولعلملك لو عملتي كده مع الغراوله عمرها هيبقي اطول وتعييش فالتلاجه اطول وكانها لسه جديده مش هتدبل

١١- زيت الزيتون مش للطبيخ نقول تاني زيت الزيوت مش للطبيخ مينفعش يتحط عالنار غلط جدااااا حطيه فالاكل اه … عالنار لا غلط

١٢- البلستيكات …..بتتفاعل مع الاكل والعصاير يستحسن نجيب المعالجه اللي عليها رقم ٥ فمثلث او رقم ٢ او ٤ غير كده لا لانها بتبقي استخدام مره واحده زى علب الكشري البيضه دهي وبيتعاد تدويرها بعد ماتتلم من الزباله وياعالم بتتغسل ازاي
١٣- العطور الي تحت السلم ….الحاجات اللي متركبه والفرست كوبي والعك ده مش فارقه بقه فيرست ولا ساكند… المهم انها تقليد ….ماء التواليت اضمن لانها ميه وكحول بس

١٤- محدش يغسل اللحمه نقول تاني اللحمه مبتتغسلش تتشطف شطفه بسيطه اوى تنزل دمها او تحطيها عالنار غلوه ترمي ميتها وتشطفيها وتحطيها تتسلق تاني ….لانها بتفقد كل قيمتها الغذائيه وتبقي بتتبطخي انسجه ملهاش اي قيمه وطبعااا طبعاااا المفرومه متتغسلش برده النار كفيله تقتل اي ميكروب

١٥- اللبن نغليه نقول تاني… نغلي اللبن بخيره بقه بشره من عند اللبان من السوبرماركت اللبن يتغلي كويس ويفضل بتاع اللبان لانه فريش وبدون مواد حافظه او بودره

١٦- محدش يغسل الفاكهه بصابون مش نظافه ده عاده غلط جداااا بميه ونقطه خل وتتنشف

١٧- الاكياس الحراريه …اللي بتطبخ الفرخه في وقت قصير فنص ساعه ده كارثه لانها مفيش عرضه مباشره للنار ومبتقتلش كل المكروبات وبتسويها بالسوايل اللي فيها

١٨- الكيك الجاهز اللي بيستوى ف١٠ دقايق…… غلط

١٩- المايونيز كارثه كارثه كارثه لانه كله مركبات صناعيه مفهوش ماده واحده طبيعيه

٢٠- الميه المعدنيه غلط لان فيها نسبه معادن عاليه بتتعب الكبد والكلي الافضل ميه الفلتر او تغلي الميه

٢١- الفشار فالميكرويف غلط تاني الفشار يتعمل فحله النار الميكرويف اصلا كارثه لوحده لاتسخين ولا تسويه فيه

٢٢- الملطفات والمنعمات زى الداوني والكومفورت الحاجات ده غلط كده علي لبس الاطفال لانها فالتشطيف مبترحش تماما حتي اقلبي اي علبه منهم هتلاقي مكتوب عليها غير مناسب لملابس نوم الاطفال لانها ممكن تخنقهم واحسن…. وفروا هههههه

٢٣- الاندومي مشكلتها فبهاراتها مجهوله المصدر ومنكهات الطعم مش فالمكرونه نفسها

٢٤- الالويز والبامبرز ليهم صلاحيه ياجماعه لازم لازم نتاكد منها لان المواد اللي بتدخل فتركبيته ليها صلاحيه بتعمل بكتريا وعفونه وبتربي حشرات جواها وكلنا شفنا قبل كده بامبرز جواه دود عالنت صوره كانت منتشره والله لايقدر الالويز ممكن تجيب سرطان رحم

٢٥_ اللانشون والبسطرمه ….طبعا عارفين مجهوله المصدر مش معروف مكونتها خطر علي طول

٢٦- البنات اللي بتنام وتلفونها تحت المخده حبيتي مش هيفوتك حاجه والله ابعدى عن دماغك ومش معني كده انك تحطيه فجيب بنطلون البيجامه وانتي نايمه هاااا ….. خطر عالمخ والقلب

٢٧- البهارات ….اه متستفربوش البهارات المطحونه يفضل نجيبها صحيحه وننقيها ونطحنها لانها بتتغش الملح بيحطو في ازاز والفلفل الاسود اي حاجه سوده تطحن وكله مبيبنش للاسف

‘٢٨- ادواتك الشخصيه ملكك لوحدها وتعقميها بديتول بعد كل استخدام منها ( الملقاط ..البراون …الواكس..فرشة الشعر ….فرشه السنان …فوطه وشك …فوطه التواليت …هدومك الداخليه حته لو مغسوله وهكذا ….))

٢٩- المقالي التيفال المتجرحه خطر جدااااا بتتفاعل مع الاكل اتعاملي معاها بمعالق خشب حفاظا عليها مده اطول

٣٠- الميه السخنه كارثه ..متخديش شاور بميه سخنه لانها بتفتح مسام الجسم وعرضه لان تهاجمك الامراض لازم تفتحي الميه السقعه عليكي فالاخر تقفلي مسامك …عتلاقي البنات اللي بتاخد شاور بميه سخنه وشها في حبوب سوده وشعرها بيقع بطوله

٣١_مزيلات العرق والرول اون بالذات بتسد مسام الجسم ممنوعه ممنوعه ممنوعه استعملي حاجات طبيعيه زى الشبه

٣٢_ الفويل الحراري غلط غلط غلط بيتفاعل مع الاكل لو ضرورى منه متعرضهوش مباشره للاكل حطي ورق زبده الاول والفويل فوقيها

٣٣- الحلل الالمونيوم غلط جدااااا لاتستخدم فى الطبخ لساعات طويله يعني لأكله بتاخد وقت عالنار لانها بتزود نسبه الالمونيوم فالاكل وبتتفاعل مع المواد الحمضيه زى البرتقال والليمون والطماطم

٣٤- الحلل السراميك كارثه تهدد حياتنا لازم نختار نوع ميكنش في تركبيته الرصاص لانه بيتفاعل مع الاكل وخاصه الاحماض زى الطماطم والخل والليمون ونختار نوع يكون مطلي بطبقه زجاج شفافه وخالي من الرصاص

٣٥- التعرض المباشر ولفترات طويله للشمس بيعمل سرطان فالجلد والشمس بتبقي صحيه جدااا للاطفال ونموهم ولعظمهم ومش مؤذيه للبشره ولا للجلد ولا تسبب اسمرار فالفتره من ٩-١٢ صباحا ومن ٤ للغروب

٣٦- الليزر …….من مسببات السرطان العلاج بيه او نزع الشعر لانه بينشط خلايا سرطانيه خامله بالجسم

٣٧- دكاتره الاسنان وتعقيم ادواتهم مهم جدااااا تتاكدى بنفسك انه عقمهم وده حاجه متزعلش ولاتكسف

٣٨- الادمان والتدخين مش محتاجه كلام طبعا والحقن اللي بيستخدموها من شخص لشخص

٤٠_ الالوان الثابته زى الوان الماركر والوان الرسم … استعمال الالوان المخصصه للرسم فقط

٤١- التانج والعصاير البودر …..غلط غلط غلط … كلها مكسبات طعم ولون حتي هتلاقي مكتوب عليها غير مناسب للحوامل ولا الاطفال

٤٢-اي ثمره خضار او فاكهه بايظه من حته تترمي كلها مش نقطع الحته اللي بايظها وناكل الباقي بيبقي الميكروب فالثمره كلها خلاص

٤٣_الجيلاتين …..هقولكو كلمه واحده بس عليه….. جرام الجيلاتين البقري الاصلي اغلي من جرام الدهب يبقي ازاي كيس الجيلي كولا ٢٠ جرام بجنيه 😨

٣٩- البراهات الضيقه اوووى بتعمل سرطان ثدى لانها بتمنع تدفق الدم

وربنا يعافينا جميعا … ويشفي مرضانا ومرضي المسلمين اجمعين






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

7 + 8 =


التخطي إلى شريط الأدوات