أما ………………………………………………. شعر حنان كامل

أما :
شعر حنان كامل
ممكن اسالك كده كام سؤال ؟؟
كنتي كيف متحملة ؟؟
كل هم الدنيا يا اما وكنتي كمان
متبسمة في وشنا
وتقولي كله هيبقي عال
كنتي عارفة تدبري …. ولا لشي تقصري
بيتنا بالخير مفتوح يوماتي
لاي جارة وكل عم وكل خال
لما كنا نغلط في حقك
او نقول عكس ارادتك
كنتي اكيد بتغضبي. …. وعلي ايديا تضربي
واشوفك داخلة جوه اوضتك
والدموع باينة في وشك
بتعاقبي نفسك لو في سرك
يقطعني يابني مكنش قصدي
نفسي اشوفك حاجة حلوة
وتبقي احسن العيال
ولما امرض ولا يدوبك بس ابرد
لا تخافي انك تتعدي
لا دا انتي كنتي تتعمدي
تنوميني وتقعدي
حضناني وخايفة تغفلي
حنية فوق اي خيال
كل يوم م الفجر قايمة
امتي يا اما كنتي نايمة
مجهزالنا احلي لقمة
ومنضفة للكل هدمة
وبنشاط وبكل همة
وبتنزلي وبكل زمة
مانتي كنتي في شغلك مهمة
انتي حديد ولا فولاز
ولا اقوي من الجبال
لا الدليفري بتعرفي
ولا لضيقة تضعفي
ولبيتك كنتي عاشقة يا اما
عشقك دا جنة ولا آية للجمال
وعمرنا مهما كبرنا
ماعرفنا اجابة للسؤال ؟؟
#حنان_كمال






اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

2 + 7 =


التخطي إلى شريط الأدوات